सोलापूर येथील स्थानिक उद्योजक संदीप प्रकाश मजगे यांचा प्रेरणादायी अनुभव
सोलापूर: महाराष्ट्र संशोधन, उन्नती व प्रशिक्षण प्रबोधिनी (अमृत) या संस्थेच्या वतीने सोलापूर कार्यालयात आयोजित करण्यात आलेल्या पाच दिवसांच्या 'उद्योजकता विकास प्रशिक्षणाचा' (EDP) नुकताच यशस्वी समारोप झाला. या प्रशिक्षण कार्यक्रमात सोलापूर येथील स्थानिक उद्योजक संदीप प्रकाश मजगे यांनी सक्रिय सहभाग नोंदवून प्रशिक्षणाचा लाभ घेतला. संदीप मजगे यांचा सोलापूरमध्ये स्वतःचा व्यवसाय असून, तो अधिक कसा वाढवावा आणि त्याचे योग्य मार्केटिंग कसे करावे, याविषयी त्यांना मार्गदर्शन हवे होते. 'अमृत'च्या या ५ दिवसीय EDP प्रशिक्षणामुळे त्यांना व्यवसायाचे नियोजन, विपणन (Marketing) कौशल्ये आणि आधुनिक उद्योग पद्धतींविषयी अत्यंत मौल्यवान माहिती मिळाली. या प्रशिक्षणाचा आपल्या व्यवसायासाठी मोठा फायदा झाल्याचे त्यांनी आवर्जून सांगितले. 'वैयक्तिक व्याज परतावा' योजनेचा घेणार लाभ आपला व्यवसाय आगामी काळात अधिक व्यापक स्तरावर नेण्यासाठी संदीप मजगे यांनी 'अमृत' संस्थेच्या 'वैयक्तिक व्याज परतावा' या योजनेचा लाभ घेणार असल्याचे स्पष्ट केले. संस्थेमार्फत राबवल्या जाणाऱ्या विविध कल्याणकारी योजना आणि उपक्रम अत्यंत स्तुत्य असून, नवउद्योजकांसाठी ते वरदान ठरत असल्याचे मत त्यांनी व्यक्त केले. 'अमृत'च्या कार्यात सहभागाचे आश्वासन 'अमृत' संस्थेच्या एकूणच उद्दिष्ट आणि सामाजिक-आर्थिक उपक्रमांचे संदीप मजगे यांनी मनापासून कौतुक केले. संस्थेचे कार्य त्यांना अत्यंत आवडले असून, "अमृत संस्थेला भविष्यात कोणतीही मदत लागल्यास मी सदैव तत्पर राहीन आणि संस्थेचे कोणतेही काम चांगल्या पद्धतीने पार पाडेन," असे आश्वासन त्यांनी या प्रसंगी दिले. संस्थेच्या या यशस्वी उपक्रमामुळे सोलापूर परिसरातील उद्योजकांना मोठी दिशा मिळत असून संदीप मजगे यांनी अमृत प्रबोधिनीचे मनापासून आभार मानले.
अमृत संस्थेविषयी : महाराष्ट्र संशोधन, उन्नती व प्रशिक्षण प्रबोधिनी अर्थात अमृत ही राज्य शासनाची स्वायत्त संस्था असून, खुल्या प्रवर्गातील ज्या जातींना कुठल्याही शासकीय संस्था किंवा महामंडळाचा लाभ मिळत नाही अशा जातींमधील आर्थिकदृष्ट्या दुर्बल घटक हा अमृत संस्थेचा लक्ष्यित गट आहे. त्यामध्ये ब्राह्मण, कायस्थ, कोमटी/वैश्य, मारवाडी, पटेल, राजपूत, यलमार, अय्यंगार, राजपुरोहित, पाटीदार, नायर, नायडू, कम्मा, कानबी, सिंधी, बनिया, बंगाली, त्यागी, सेनगुनथर, गुजराथी, जाट, लोहाना, हिंदू नेपाळी ,भूमिहार व हिंदू वीरशैव लिंगायत अशा जातींचा सद्यस्थितीत समावेश आहे. अशा जातींमधील वार्षिक उत्पन्न आठ लाख रुपयांपेक्षा कमी असलेल्या व्यक्ती अमृत संस्थेच्या विविध योजनांचा लाभ घेऊ शकतात. राज्याच्या सर्व ३६ जिल्ह्यांमध्ये अमृत संस्थेची कार्यालये असून, अधिक माहितीसाठी अमृत संस्थेच्या आपापल्या जिल्ह्यातील कार्यालयाशी संपर्क साधावा. तसेच, अमृत संस्थेचे संकेतस्थळ आणि सोशल मीडिया हँडल्स पाहावीत.
संकेतस्थळ :https://mahaamrut.org.in/
विशेष प्रायोजित माहितीसाठी येथे क्लिक करा
Comments 0 Comments
No comments yet
You can start the discussion
Write a Comment