**मुखेडमध्ये विद्यार्थ्यांसाठी ‘अमृत शासन संवाद’ उपक्रम**

**मुखेडमध्ये विद्यार्थ्यांसाठी ‘अमृत शासन संवाद’ उपक्रम** **तहसीलदार अभयराज नंजुंडे यांचे सहकार्याचे आश्वासन; १ ऑक्टोबर रोजी उपक्रमाचे नियोजन करण्यात आले** मुखेड : महाराष्ट्र शासनाची स्वायत्त संस्था **अमृत** यांच्या वतीने युवक व विद्यार्थ्यांना शासनाच्या कार्यप्रणालीची प्रत्यक्ष ओळख करून देण्यासाठी विविध सामाजिक उपक्रम राबविण्यात येत आहेत. याच उपक्रमांचा एक भाग म्हणून **‘अमृत शासन संवाद’** हा अभिनव उपक्रम मुखेड तालुक्यात राबविण्यात येणार आहे. या अनुषंगाने **अमृत नांदेड जिल्हा व्यवस्थापक श्री. सौरभ कुलकर्णी व अमृतमित्र श्री. आशिष सासट्टे* यांनी मुखेड तहसीलदार **मा. अभयराज नंजुंडे ** यांची भेट घेऊन अमृतच्या विविध योजना तसेच **‘अमृत युवा ऊर्जा’, ‘gen Z संवाद’ आणि ‘अमृत शासन संवाद’** या सामाजिक उपक्रमांची सविस्तर माहिती दिली. **‘अमृत शासन संवाद’** अंतर्गत मुखेड तालुक्यातील महाविद्यालयीन विद्यार्थ्यांना थेट **तहसील कार्यालयाची भेट घडवून आणण्यात येणार आहे.** यावेळी विद्यार्थ्यांना तहसील कार्यालयातील विविध विभाग, शासकीय कामकाजाची पद्धत, प्रशासकीय प्रक्रिया, नागरिकांना दिल्या जाणाऱ्या सेवा तसेच शासनाच्या विविध योजनांची अंमलबजावणी याबाबत प्रत्यक्ष माहिती मिळणार आहे. विशेष म्हणजे, विद्यार्थ्यांना केवळ पुस्तकातील शासनव्यवस्था समजून घेण्याऐवजी **प्रत्यक्ष शासकीय कार्यालयात नेऊन ‘शासन कसे चालते?’ याचा अनुभव देण्याचा हा अभिनव प्रयत्न** आहे. यामुळे विद्यार्थ्यांमध्ये प्रशासकीय व्यवस्थेबद्दलची जिज्ञासा वाढण्यासोबतच भविष्यातील स्पर्धा परीक्षा, करिअर आणि सामाजिक जबाबदारीच्या दृष्टीनेही त्यांना मार्गदर्शन मिळणार आहे. या उपक्रमाला तहसीलदार *मा. अभयराज नंजुंडे* यांनी सकारात्मक प्रतिसाद देत **पूर्ण सहकार्य करण्याचे आश्वासन दिले असून, दि. १ ऑक्टोबर रोजी ‘अमृत शासन संवाद’ उपक्रम आयोजित करण्याचे नियोजन** करण्यात आले आहे. **शासन आणि युवा पिढी यांच्यातील दरी कमी करून विद्यार्थ्यांना प्रशासनाच्या प्रत्यक्ष कामकाजाशी जोडणारा ‘अमृत शासन संवाद’ हा उपक्रम मुखेड तालुक्यातील विद्यार्थ्यांसाठी एक आगळावेगळा आणि प्रेरणादायी अनुभव ठरणार आहे.**