अभंगरंग - ३६ - अमृत महाराष्ट्र

आशाबद्ध करिती देवाचें पूजन ।

तेणें नारायण तुष्ट नोहे ।।१।।

आशाबद्ध करिती वेदाचें पठण ।

तेणें नारायण तुष्ट नोहे ।।२।।

आशाबद्ध करिती श्रवण मनन ।

तेणें नारायण तुष्ट नोहे ।।३।।

आशाबद्ध करिती दैवत उपासन ।

तेणें नारायण तुष्ट नोहे ।।४।।

आशाबद्ध करिती जपतप हवन ।

तेणें नारायण तुष्ट नोहे ।।५।।

निराशी करिती देवाचें कीर्तन ।

एका जनार्दनी तुष्ट होय ।।६।।

- संत एकनाथ महाराज (संकलक : प्रसाद वैद्य, रत्नागिरी)

महाराष्ट्र संशोधन उन्नती व प्रशिक्षण प्रबोधिनी (अमृत) - महाराष्ट्र शासनाची स्वायत्त संस्था