अभंगरंग - ३७ - अमृत महाराष्ट्र

भिऊनि रिघीजे समर्थाचे पोटीं ।

विषयाची तो भेटी नको मज ।।१।।

तैसा मी शरण आलोंसे केशवा ।

मज त्वां राखावें पायांतळीं ।।२।।

नको उदासीन राखों अभिमान ।

माझें आगमन विचारों कां ।।३।।

तुझेनि होईल तेंच मी मागेन ।

न सोडीं चरण अहर्निशीं ।।४।।

अविद्या अपार संचरली देवा ।

आम्हासि कुढावा नाहीं कोणी ।।५।।

देवा आतां मज नको गर्भवास ।

नामा विष्णुदास विनवीतसे ।।६।।

- संत नामदेव महाराज (संकलक : प्रसाद वैद्य, रत्नागिरी)

महाराष्ट्र संशोधन उन्नती व प्रशिक्षण प्रबोधिनी (अमृत) - महाराष्ट्र शासनाची स्वायत्त संस्था