महिला उद्योजकतेसाठी प्रेरणादायी कार्य – शुभांगी देवधर-दिवटे

श्रीमती शुभांगी देवधर-दिवटे यांनी डोंबिवली पश्चिम येथील शास्त्रीनगर, साईलीला व कैलासनगर परिसराच्या नगरसेविका म्हणून पाच वर्षे यशस्वीपणे कार्य केले आहे. सामाजिक कार्यासोबतच महिला सक्षमीकरण आणि उद्योजकता विकासासाठी त्यांनी सातत्याने प्रयत्न केले आहेत. मिटकॉम (२०१०) अंतर्गत त्यांनी फरसाण व वेफर्स निर्मिती तसेच मसाला निर्मिती या प्रशिक्षणांचा लाभ घेतला. या प्रशिक्षणाच्या आधारे त्यांनी लघुउद्योग क्षेत्रातील व्यावहारिक अनुभव मिळवला आणि स्वयंरोजगाराच्या विविध संधींचा अभ्यास केला. आपल्या अनुभवाचा उपयोग करून त्या महिलांना घरगुती उद्योग, स्वयंरोजगार, कौशल्य विकास आणि आर्थिक स्वावलंबन याबाबत मार्गदर्शन करतात. महिलांनी उपलब्ध संसाधनांचा योग्य वापर करून स्वतःचा व्यवसाय उभा करावा, आत्मनिर्भर बनावे आणि कुटुंबाच्या आर्थिक प्रगतीत योगदान द्यावे, यासाठी त्या प्रेरणादायी कार्य करत आहेत. महिला उद्योजकता आणि सामाजिक बांधिलकी यांचा सुंदर संगम साधत त्या अनेक महिलांसाठी प्रेरणास्थान ठरत आहेत. अमृत संस्थेच्या उद्योजकता, कौशल्य विकास व महिला सक्षमीकरणाच्या कार्याला सौ. शुभांगी देवधर-दिवटे यांनी अमृतला साथ देण्याची खात्री दिली आहे. यासाठी त्यांनी अमृत संस्थेला सक्रिय सहकार्य करण्याची तयारी दर्शविली असून, अधिकाधिक महिलांपर्यंत प्रशिक्षण व शासकीय योजनांचा लाभ पोहोचविण्यासाठी त्या अमृत संस्थेसोबत कार्यरत राहणार आहेत.