जयघोष छत्रपती शिवरायांचा!

अमृत जिल्हा कार्यालय, यवतमाळ यांच्या वतीने हिंदवी स्वराज्याचे संस्थापक, राष्ट्रपुरुष छत्रपती शिवाजी महाराज यांच्या शिवराज्याभिषेक दिनानिमित्त प्रेरणादायी कार्यक्रमाचे आयोजन करण्यात आले होते. यावेळी छत्रपती शिवाजी महाराजांच्या प्रतिमेस पुष्पहार अर्पण करून अभिवादन करण्यात आले.

कार्यक्रमाचे प्रमुख मार्गदर्शक श्री. राम साखळे यांनी उपस्थितांना संबोधित करताना शिवराज्याभिषेक दिनाचे ऐतिहासिक महत्त्व विशद केले. त्यांनी सांगितले की, ६ जून १६७४ रोजी रायगडावर झालेला शिवराज्याभिषेक हा केवळ एका राजाचा राज्याभिषेक नसून भारतीय स्वाभिमान, स्वराज्य आणि राष्ट्रचेतनेचा विजय होता. छत्रपती शिवाजी महाराजांनी न्याय, सुशासन आणि लोककल्याणकारी राज्यव्यवस्थेचा आदर्श निर्माण करून संपूर्ण जगासमोर एक प्रेरणादायी उदाहरण ठेवले आहे.

श्री. साखळे यांनी पुढे सांगितले की, आजच्या युवकांनी छत्रपती शिवाजी महाराजांचे शौर्य, दूरदृष्टी, संघटन कौशल्य आणि राष्ट्रनिष्ठेचा आदर्श डोळ्यासमोर ठेवून समाज व राष्ट्रहितासाठी कार्य करण्याची आवश्यकता आहे. शिवाजी महाराजांचे विचार आजही तितकेच प्रेरणादायी असून त्यातून समाजाला दिशा मिळत असल्याचे त्यांनी नमूद केले.

या प्रसंगी अमृत जिल्हा कार्यालयातील अधिकारी, कर्मचारी व उपस्थित नागरिकांनी छत्रपती शिवाजी महाराजांच्या कार्यास अभिवादन करत त्यांच्या विचारांचा प्रसार करण्याचा संकल्प व्यक्त केला.

कार्यक्रमाचे वातावरण राष्ट्रभक्ती, स्वराज्याचा अभिमान आणि शिवचरित्राच्या प्रेरणेने भारावून गेले होते.

– अमृत जिल्हा कार्यालय, यवतमाळ अधिक माहितीसाठी संपर्क : परिक्षीत कमलकिशोर शर्मा जिल्हा व्यवस्थापक ९११२२२७६३३ जिल्हा कार्यालय पत्ता : स्वामी समर्थ विहार, पहिला माळा, फ्लॅट क्रमांक ए-१, अवधूतवाडी, तिवारी चौक, यवतमाळ - ४४५ ००१ ई-मेल : amrut.yavatmal.dm@gmail.com