सोलापूर जिल्हा कार्यालयात उद्योजकता विकास प्रशिक्षण (EDP) प्रमाणपत्र वाटप

सोलापूर जिल्हा कार्यालयात उद्योजकता विकास प्रशिक्षण (EDP) प्रमाणपत्र वाटप कार्यक्रम संपन्न!

अमृत (AMRUT) संस्थेच्या सोलापूर जिल्हा कार्यालयात उद्योजकता विकास प्रशिक्षण (EDP) प्रमाणपत्र वाटप सोहळा संपन्न झाला.

सोलापूर: महाराष्ट्र संशोधन, उन्नती व प्रशिक्षण प्रबोधिनी (अमृत) संस्थेच्या सोलापूर जिल्हा कार्यालयामध्ये उद्योजकता विकास प्रशिक्षण (EDP) पूर्ण केलेल्या प्रशिक्षणार्थींना आज, दिनांक १२ जून २०२६ रोजी अधिकृत प्रमाणपत्रांचे (Certificates) वाटप करण्यात आले.

या कार्यक्रमास प्रथमेश कुलकर्णी (पुणे - विभाग व्यवस्थापक), श्रेयस कुलकर्णी (सोलापूर - जिल्हा व्यवस्थापक), बिरूदेव वाघमोडे (सोलापूर - जिल्हा उपव्यवस्थापक) उपस्थित होते. मान्यवरांच्या हस्ते प्रशिक्षण यशस्वीरित्या पूर्ण करणाऱ्या उमेदवारांना प्रमाणपत्रे सुपूर्द करण्यात आली.

या उद्योजकता विकास प्रशिक्षण (EDP) कार्यक्रमाचा मुख्य उद्देश स्थानिक तरुणांना व्यवसाय आणि स्वयंरोजगाराच्या नवनवीन संधी उपलब्ध करून देणे, तसेच त्यांना व्यावसायिकदृष्ट्या सक्षम बनवणे हा आहे. प्रशिक्षण पूर्ण केल्याबद्दल सर्व यशस्वी उमेदवारांचे उपस्थित मान्यवरांनी कौतुक केले व त्यांच्या पुढील व्यावसायिक वाटचालीस शुभेच्छा दिल्या.

याप्रसंगी अमृत संस्थेचे इतर पदाधिकारी, समन्वयक आणि प्रशिक्षणार्थी मोठ्या संख्येने उपस्थित होते. पत्ता (Address): ​अमृत (AMRUT) जिल्हा कार्यालय, १०८-ए, श्री साई बिल्डिंग, तिसरा मजला, यतिराज हॉटेलजवळ, सात रस्ता, सोलापूर - ४१३००१ संपर्क क्रमांक : ​९११२२२८७६८ (9112228768) ​८६६९५८९८३४ (8669589834) ​९२८४४८३२१६ (9284483216)

अमृत संस्थेविषयी : महाराष्ट्र संशोधन, उन्नती व प्रशिक्षण प्रबोधिनी अर्थात अमृत ही राज्य शासनाची स्वायत्त संस्था असून, खुल्या प्रवर्गातील ज्या जातींना कुठल्याही शासकीय संस्था किंवा महामंडळाचा लाभ मिळत नाही अशा जातींमधील आर्थिकदृष्ट्या दुर्बल घटक हा अमृत संस्थेचा लक्ष्यित गट आहे. त्यामध्ये ब्राह्मण, कायस्थ, कोमटी/वैश्य, मारवाडी, पटेल, राजपूत, यलमार, अय्यंगार, राजपुरोहित, पाटीदार, नायर, नायडू, कम्मा, कानबी, सिंधी, बनिया, बंगाली, त्यागी, सेनगुनथर, गुजराथी, ठाकूर, जाट, लोहाना, हिंदू नेपाळी व भूमिहार अशा २५ जातींचा सद्यस्थितीत समावेश आहे. अशा जातींमधील वार्षिक उत्पन्न आठ लाख रुपयांपेक्षा कमी असलेल्या व्यक्ती अमृत संस्थेच्या विविध योजनांचा लाभ घेऊ शकतात. राज्याच्या सर्व ३६ जिल्ह्यांमध्ये अमृत संस्थेची कार्यालये असून, अधिक माहितीसाठी अमृत संस्थेच्या आपापल्या जिल्ह्यातील कार्यालयाशी संपर्क साधावा. तसेच, अमृत संस्थेचे संकेतस्थळ आणि सोशल मीडिया हँडल्स पाहावीत.

संकेतस्थळ :https://mahaamrut.org.in/