धाराशिव जिल्ह्यातील वाशी तालुक्यातील उद्योजक प्रसाद रुईभर यांना मिळाला अमृतच्या व्याज परतावा योजनेचा लाभ

धाराशिव: महाराष्ट्र संशोधन उन्नती व प्रशिक्षण प्रबोधिनी (अमृत), महाराष्ट्र शासनाची स्वायत्त संस्था यांच्या वैयक्तिक व्याज परतावा योजनेमुळे अनेक उद्योजकांना आर्थिक आधार मिळत असून त्याचाच लाभ श्री. प्रसाद रमेश रुईभर यांना मिळाला आहे. या योजनेअंतर्गत त्यांच्या बँक खात्यात ₹५५,१२९ इतकी व्याज परताव्याची रक्कम जमा करण्यात आली आहे. कर्जाची नियमित परतफेड केल्यानंतर त्यांना अमृतच्या वैयक्तिक व्याज परतावा योजनेचा लाभ मिळाला. यावेळी त्यांनी या योजनेमुळे मोठा आर्थिक आधार मिळाल्याचे सांगितले. अमृतच्या विविध योजनांमुळे अनेक उद्योजक आर्थिकदृष्ट्या सक्षम होत आहेत. पात्र लाभार्थ्यांनी या योजनांची माहिती घेऊन जास्तीत जास्त लाभ घ्यावा, असे आवाहन संस्थेच्या वतीने करण्यात आले आहे. अमृत स्वायत्त संस्था तसेच जिल्हा टीमच्या वतीने श्री. प्रसाद रुईभर यांचे अभिनंदन करण्यात आले.

अमृत संस्थेविषयी : महाराष्ट्र संशोधन, उन्नती व प्रशिक्षण प्रबोधिनी अर्थात अमृत ही राज्य शासनाची स्वायत्त संस्था असून, खुल्या प्रवर्गातील ज्या जातींना कुठल्याही शासकीय संस्था किंवा महामंडळाचा लाभ मिळत नाही अशा जातींमधील आर्थिकदृष्ट्या दुर्बल घटक हा अमृत संस्थेचा लक्ष्यित गट आहे. त्यामध्ये ब्राह्मण, कायस्थ, कोमटी/वैश्य, मारवाडी, पटेल, राजपूत, यलमार, अय्यंगार, राजपुरोहित, पाटीदार, नायर, नायडू, कम्मा, कानबी, सिंधी, बनिया, बंगाली, त्यागी, सेनगुनथर, गुजराथी, ठाकूर, जाट, लोहाना, हिंदू नेपाळी व भूमिहार अशा २५ जातींचा सद्यस्थितीत समावेश आहे. अशा जातींमधील वार्षिक उत्पन्न आठ लाख रुपयांपेक्षा कमी असलेल्या व्यक्ती अमृत संस्थेच्या विविध योजनांचा लाभ घेऊ शकतात. राज्याच्या सर्व ३६ जिल्ह्यांमध्ये अमृत संस्थेची कार्यालये असून, अधिक माहितीसाठी अमृत संस्थेच्या आपापल्या जिल्ह्यातील कार्यालयाशी संपर्क साधावा. तसेच, अमृत संस्थेचे संकेतस्थळ आणि सोशल मीडिया हँडल्स पाहावीत. संकेतस्थळ :https://mahaamrut.org.in/

अधिक माहितीसाठी संपर्क : अमृत जिल्हा कार्यालय, ऋणानुबंध, तळ मजला, वृंदावन कॉलनी, जिल्हा कारागृहासमोर, धाराशिव - ४१३५०१