Flying Birds Academy, माजलगाव येथे दहीहंडी उत्सव उत्साहात साजरा

माजलगाव : श्रीकृष्ण जन्माष्टमीच्या निमित्ताने Flying Birds Academy, माजलगाव येथे दहीहंडी उत्सव उत्साहपूर्ण वातावरणात साजरा करण्यात आला. या कार्यक्रमात विद्यार्थ्यांनी श्रीकृष्ण, राधा तसेच विविध पारंपरिक वेशभूषा परिधान करून उपस्थितांची मने जिंकली.

चिमुकल्या विद्यार्थ्यांनी आकर्षक वेशभूषा, नृत्य आणि विविध सादरीकरणांमधून श्रीकृष्णाच्या बाललीलांचे सुंदर दर्शन घडविले. विद्यार्थ्यांच्या उत्साहामुळे संपूर्ण अकादमी परिसर आनंदमय आणि भक्तिमय वातावरणाने भारावून गेला होता.

यावेळी विद्यार्थ्यांना श्रीकृष्ण जन्माष्टमीचे महत्त्व, भारतीय संस्कृतीतील सण-उत्सवांची परंपरा तसेच एकता, सहकार्य, बंधुभाव आणि सांस्कृतिक मूल्यांचे महत्त्व याविषयी मार्गदर्शन करण्यात आले. अशा उपक्रमांमुळे विद्यार्थ्यांमध्ये आत्मविश्वास वाढण्यासोबतच सांस्कृतिक जाणीवा अधिक दृढ होतात, असे मत शिक्षकांनी व्यक्त केले.

कार्यक्रमाच्या यशस्वी आयोजनासाठी अकादमीच्या शिक्षकांनी विशेष परिश्रम घेतले. उत्सवात विद्यार्थी, शिक्षक आणि पालकांनी मोठ्या संख्येने सहभाग नोंदविला. सर्वांच्या उत्स्फूर्त प्रतिसादामुळे दहीहंडी उत्सव आनंदात आणि जल्लोषात संपन्न झाला.

अमृत संस्थेविषयी : महाराष्ट्र संशोधन, उन्नती व प्रशिक्षण प्रबोधिनी अर्थात अमृत ही राज्य शासनाची स्वायत्त संस्था असून, खुल्या प्रवर्गातील ज्या जातींना कुठल्याही शासकीय संस्था किंवा महामंडळाचा लाभ मिळत नाही अशा जातींमधील आर्थिकदृष्ट्या दुर्बल घटक हा अमृत संस्थेचा लक्ष्यित गट आहे. त्यामध्ये ब्राह्मण, कायस्थ, कोमटी/वैश्य, मारवाडी, पटेल, राजपूत, यलमार, अय्यंगार, राजपुरोहित, पाटीदार, नायर, नायडू, कम्मा, कानबी, सिंधी, बनिया, बंगाली, त्यागी, सेनगुनथर, गुजराथी, जाट, लोहाना, हिंदू नेपाळी व भूमिहार अशा जातींचा सद्यस्थितीत समावेश आहे. अशा जातींमधील वार्षिक उत्पन्न आठ लाख रुपयांपेक्षा कमी असलेल्या व्यक्ती अमृत संस्थेच्या विविध योजनांचा लाभ घेऊ शकतात. राज्याच्या सर्व ३६ जिल्ह्यांमध्ये अमृत संस्थेची कार्यालये असून, अधिक माहितीसाठी अमृत संस्थेच्या आपापल्या जिल्ह्यातील कार्यालयाशी संपर्क साधावा. तसेच, अमृत संस्थेचे संकेतस्थळ आणि सोशल मीडिया हँडल्स पाहावीत.

संकेतस्थळ :https://mahaamrut.org.in/